ئامادەکردنی: ئاراس عەبدوڵا
فێرگەی فلامەنکۆ بەهاوکاری قاوەخانەی کلتوری لە سلێمانی ئێوارە نمایشێکی موزیک و سەما و گۆرانیی فلامەنکۆ لە ٣٠/٤/٢٠١٥ کاتژمێر ٧:٠٠ی ئێوارە لەنێو قاوەخانەی کلتوری ڕیکدەخات.
لەوبارەیەوە سامان كەریم بەڕێوەبەری فێرگەی فلامەنكۆ لە سلێمانی ڕایگەیاند "لەم نماییشەدا چەند مەقام و گۆرانییەكی فلامەنكۆ لە گەڵ سەما و موزیكدا پێشكەش دەكەین . موزسیانەكان سەماكار (دیلەك ئاك دەنیز ) گۆرانی بێژ ( ئەرزو ئاك دەنیز ) وە ك ئامێری گیتاریش خۆم بەژدارم . هیوادارم ئێوارەیەكی بە جۆش و خرۆش دروست بكەین لە گەڵ تەماشاكەرانی شاری سلێمانی .
وتیشی"مرۆڤ و بەها ، دوو ووشەی واتادار كە هیچیان بەبێ ئەوی تریان نابێ . هونەر هەنگاوێكە بۆ نزیككردنەوەی ئەم دوو ووشەیە لە یەكتری ، هونەری فلامەنكۆش كە مێژوویەكی دوورو درێژە بە بەردەوامی هەڵوێستی هەبووە بۆ گەرم كردنی پەیوەندی نێوان مرۆڤەكان ، دەربڕینی هەست و عەشق و خۆشەویستی، هەڵوێستی بەرەنگاربونەوەی نەهامەتی و گریانی مردن ، جۆش و خرۆشی لە دایك بوون .بە واتایەكی تر پاراستن و داكۆكی كردن لە بەهاكانی مرۆڤ."
