سولی ئۆن وێب
دەرهێنەری دواهەمین بەشی جەنگەکانی ئەستێرە (Star Wars) دەربارەی نائامادەیی لوک سکای واڵکەر لە دواهەمین تڕەیلەری ئەو بەشەدا کە بە ناوی (The Force Awakens) ەوەیە لە وەڵامی پرسیارێکی ڕیپۆرتەری ئەسۆشیەتد پرێسدا وتی، "ئەمانە پرسیاری باشن تا بکرێت".
JJ Abrams هەروەها وتی کە ناتوانێت چاوەڕێی ئەوە بکات کە خەڵک هەوڵی ئەوە بدات و بزانێت بۆچی ئەو کارەکتەرە لە دواهەمین تڕەیلەری ئەو فیلمەدا ئامادەیی نییە. ئەو دەڵێت کە نائامادەیی ئەو کارەکتەرە تەواو شتێکی بە ئەنقەستە و ڕووداو نییە.
ئەو دەڵێت کە بە وەڵامی خەڵک توشی شۆک بووە و هەروەها سوپاسی کاستی فیلمەکەی کرد بۆ هەموو ئەو هەوڵانەی داویانە.
